еМагазин
Image default
Македонија

Јанакиески на суд: Ново рочиште за „Топлик“ на СЈО

Во Кривичниот суд денеска треба да се одржи ново рочиште за случајот „Топлик“ на СЈО, каде првоосомничен е ексминистерот за транспорт и врски Миле Јанакиески, за продажба на државно земјиште за изградба на комплексот „Сончев град“.

Случајот се наоѓа во доказна постапка и го води судијата Осман Шабани. Минатото рочиште беше одложено поради технички причини.

Според обвинението на СЈО, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа.

Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“.

Според обвинението Јанакиески и другите петмина обвинети го оштетиле државниот Буџет за 64.206.839 денари, односно за милион и 44.000 евра.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Рамуш Харадинај со сопругата Анита на гости во домот на Зоран и Зорица Заеви

Никола Осило

Заменик министерката Петровска со кривични пријави за министерот Чулев за несовесно и нестручно работење

Редакција

За руската агенција „Спутник“ земјава е „С. Македонија“

Редакција