Режисерот на филмот „Ругање со Христос“, чиј татко беше превиден на денот на премиерата на филмот во Скопје, на својот Фејсбук профил, информира дека неговиот татко се вратил дома:
“Почитувани, татко ми повеќе не е задржано лице! „Артефактот“ си замина дома. Бескрајно сакам да верувам во случајности, во погрешно место и погрешно време. И, да, секој чесен човек треба и мора да верува во независноста и непристрасноста на судот и обвинителството. Бескрајно Ви благодарам на сите за подршката кон мене и моето семејство. Не знам како да Ви се оддолжам освен со ветување дека следниот мој филм ќе биде подобар од овој.
И уште една добра вест! Центарот за култура „Ацо Шопов“ во Штип се согласи штипската премиера на филмот „Ругање со Христос“ да се одржи на 9 октомври, вторник, во 19.30 часот во големата сала.
Подготвуваме квалитетна проекција на слика и звук, и се разбира, како и во Скопје со присуство на актерите и екипата на филмот.
Браво за Штипјани. Ги повикувам и другите градови да го следат Штип. Директори, управи, одважете се, чувството е прекрасно, верувајте ми!“, напиша Бојаџи.
Фото: Фејсбук/Бојаџи
ПОВРЗАНИ ВЕСТИ
Ќе има ли судска забрана на „Ругање со Христа“ на Јани Бојаџи?
„Интересен тајминг“ за апсење на таткото на Јани Бојаџи
Погледнете го трејлерот: За Министерството за култура филмот „Ругање со Христос“ е скандалозен