еМагазин
Image default
Македонија ТОП СТОРИИ

Антикорупциска: Ќерките на Гошева, сопругата на Божиновски, таткото на Јанушев, братучетката на Милошевски вработени со непотизам

Државната комисија за спречување корупција (ДКСК) по направената анализа на 10 предмети за постапка за вработување од 2004 до 2019 година на денешната седница констатира елементи за непотизам или влијание при вработувањето на блиски лица.

По овие предмети, во кои се користело дискреционото право на директорите во институциите согласно Законот за работни односи за избор при вработувањата, а не постојат во најголем дел и документи за извршена селекција врз основа на бодирање и ранг листа, ДКСК нема надлежност и можности да покренува постапка.

Сепак, Антикорупциска, од каде посочуваат дека се работи за „владеење преку правото“, ќе бара измени во Законот за работни односи затоа што остава простор односно генерира непотизам, како и исклучување на Агенциите за привремени вработувања во јавниот сектор, како еден од вентилите, како што рекоа, за згрижување блиски лица.

Четири случаи, од овие 10, се однесуваат на АЕК, по еден случај е за ЕЛЕМ и за Телеком, два предмети се за Централен регистар, еден за ЈП Водовод и канализација – Скопје и еден случај за ЦУК. За едно вработување во МВР, ДКСК очекува дополнителни информации.

Од конкретно разгледуваните случаи се посочија вработувањата на ќерките на поранешната претседателка на Уставниот суд, Елена Гошева, Слободанка Гиева во тогашен Т-Мобиле, која во 2017 година била унапредена во главен директор за човечки ресурси и регулативи и Бојана Гошева во АЕК.

Меѓу споменатите беше и Христина Божиновска, вработена во АЕК, сопруга на Кирил Божиновски, поранешен генерален секретар во Владата.

Сестрата на поранешниот амбасадор Андреј Лепавцов, Драгица Лепавцова, исто така, вработена во АЕК.

Во ЦУК е вработен таткото на Игор Јанушев, Љубен.

Во ЈП Водовод и канализација Скопје е вработена братучетка на Антонио Милошоски, во 2007/2008 година кога бил министер, бил вработен и неговиот братучет Станко Коруноски во Централниот регистар.

Братот на Анастасија Илиевска, која во 2008 година била советник за безбедност во Кабинетот на Претседателот се вработил во Централниот регистар во Прилеп.

МИА

ПОВРЗАНИ ВЕСТИ

Антикорупциска отвори два предмети против Мицкоски

Антикорупциска ги одби приговорите од ВМРО-ДПМНЕ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Македонија ќе купува транспортни хеликоптери од Италија

Редакција

Во М-НАВ вработени роднини на Османи, Груби, Николовски, Незири, Аљими, Буши, објави КОД

Редакција

(ВИДЕО) Мадона со бастун, неможе да ја издржи турнејата

Редакција