еМагазин
Image default
Македонија

Антикорупциска: Градоначалниците на Вевчани и Гази Баба доставиле изјави за интереси, но нецелосни

Државната комисија за спречување на корупцијата по сопствена иницијатива заклучи да изврши увид дали поднеле анкетни листови за имотната состојба и изјави за интереси градоначалниците на општините во Република Северна Македонија, велат од Антикорупциска.

“Државната комисија за спречување на корупцијата, од увидот во својата евиденција констатира дека одреден број од горенаведените лица по изборот/именувањето на функцијата во законски утврдениот рок не поднеле анкетен лист за имотната состојба и изјава за интереси, додека некои од нив имаат доставено обрасци со непотполни податоци, поради што на 5-тата седница одржана на 15.03.2019 година, заклучи да поведе прекршочни постапки согласно Законот за спречување на корупцијата и судирот на интереси.

По објавување на веста во медиумите со демант и реакција се јавија градоначалниците на општина Вевчани, Сашо Јанкоски и на општина Гази Баба, Борис Георгиевски, кои изјавија дека уредно имаат доставено изјави за интереси.

Државната комисија за спречување на корупцијата ја информира јавноста дека наведените градоначалници имаат доставено изјави за интереси во кои не дале податоци за делот – Јавно овластување и должност, каде што задолжително се наведуваат податоци за функцијата за која се избрани или именувани лицата, податоци за институцијата која извршила избор или именување, како и број и датум на актот за верификација на мандатот врз основа на кој се избрани или именувани.

Врз основа на тие податоци Одделението за спречување на судир на интереси води евиденција по функција на избраните или именуваните лица.

Заради отфрлање на сите сомнежи за наводите за неправилно постапување на комисијата ги повикуваме градоначалниците да дојдат во просториите на ДКСК и да извршат увид во документацијата и на фактите на кои укажува ДКСК“, велат од Антикорупциска.

ПОВРЗАНИ ВЕСТИ

Градоначалниците на Гази Баба и Вевчани ја деманитираат претседателката на Антикорупциска

Шест градоначалници не ја пријавиле имотната состојба, информираше Антикорупциска

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев и Ципрас номинирани за Нобелова награда за мир

Редакција

Има простор да се изнајде решение и да се донесе новиот закон за јавно обвинителство, вели Османи

Редакција

Албански партии бараат Заев да се извини и да ја повлече изјавата за формирањето на војската на Косово

Редакција