еМагазин
Image default
Бизнис

Аплицирајте: Објавен повик за бескаматни кредити на фирми од угостителството, туризмот и товарниот транспорт

Објавен е првиот повик за директна кредитна поддршка на микро, малите и средните претпријатија преку Развојната банка.

Како што соопшти денеска директорот на Банката, Кире Наумов, во оваа прва фаза ќе се кредититраат најпогодените сектори: угостителство, туризам и товарниот транспорт, а целта е првично да го ги надминат проблемите со ликвдиноста.

Аплицирањето може да почне од ноќеска на полноќ. Висината на кредитите ќе зависи од големината на компанијата, односот од бројот на вработени, а минималниот износ е 3.000 евра.

Микро компаниите со максимум 10 вработени ќе може да аплциираат за кредит од 3.000 до 5.000 евра, малите компании со 10 до 50 вработени за 10.000 до 15.000 евра, а средните компании со 50 до 250 вработени за кредит од 15.000 до 30.000 евра.

Каматата за кредитите е нула проценти, отплатата 24 месеци а грејс периодот шест месеци. Според Наумов, поддршката со бескаматните кредити ќе продолжи и ќе се прошири на другите сектори кои дополнително ќе се утврдат.

„Почитувајќи ги препораките за заштита на јавното здравје, аплицирањето за кредитите од јавниот повик ќе бдие електронски, а потребната документација ќе се доставува на меил адресата: [email protected]“, истакна Наумов.

Владата минатата недела на прес-конференција соопшти дека ќе се обезбеди директна финансиска поддршка за задржување на ликвидноста на микро, малите и средните компани и субвенционирање на придонесите за април, мај и јуни, како дел од првиот сет мерки за справување со последиците од коронавирусот.

Како што рече тогаш вицепремиерката за економски прашања Мила Царовска, обезбедени се 5,7 милиони евра од Развојната банка кои ќе се наменат за микро, малите и средни компании чија економска активност е погодена од КОВИД-19. Секоја компанија во зависност од бројот на вработени ќе може да добие од 3.000 до 30.000 евра.

МИА

ПОВРЗАНИ ВЕСТИ

(Видео) Попови од возило ги прскаа улиците на Велес со света вода „против“ корона вирусот

За старите лица кои не можат да излегуваат од дома, тука е Трајче од пазарче

(Видео) Ако имате сиптоми типични на коронавирусот, јавете се на матичниот доктор!

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

АВМУ: Законот за медиуми е спротивен на ЕУ директивите и не гарантира слобода на реемитување на ТВ каналите

Редакција

„Аутомотив груп“ го доби тендерот на Здравствен дом – Охрид за набавка на амбулантно возило вреден 74.000 евра

Никола Осило

ТТК Банка на менаџерите лани им исплатила плати и надоместоци од 958.000 евра

Редакција