еМагазин
Image default
Македонија ТОП СТОРИИ

АРМ најавува санкции за војникот што го поддржа нападот во Нов Зелан, а Лазаровска го избришала профилот

Професионалниот војник Татјана Лазаровска јавно на нејзиниот фејсбук-профил изрази поддршка за напаѓачот во Нов Зеланд и побара да му се даде Нобелова награда за храброст.

Таа ја вознемири јавноста имајќи предвид дека станува збор за лице кое е вработено во АРМ. Од таму најавуваат одговорност и преземање на соодветни дисциплински мерки.

„По сознанието од наша страна, согласно законските регулативи и надлежности е отпочната постапка за утврдување на одговорност и за преземање соодветни дисциплински мерки. Генералштабот најостро го осудува секој облик на изразување на било каков вид на нетрпеливост, дискриминирачко однесување или поддршка на истите од било кого. Од Генералштабот е наложено до потчинетите команди и единици секогаш да се преземат соодветни мерки за спречување и најостро санкционирање во рамки на законските надлежности на било кој непримерен облик на однесување и нарушување на угледот на Армијата од страна на своите припадници“, велат од АРМ.

Во меѓувреме, Лазаровска го избришала нејзиниот фејсбук-профил.

Во нападот на две џамии во Нов Зеланд загинаа 49 лица.

Фото: АРМ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Макпетрол“ за три месеци оствари добивка од 1,2 милиони евра

Никола Осило

Тендер „тежок“ 82.000 евра: Град Скопје купува патнички возила

Никола Осило

МВР без тендер ќе набави огревни дрва од Македонски шуми за седум милиони денари

Никола Осило