еМагазин
Image default
Македонија

Заменик министерот за здравство, Аслани: За избори може да се зборува кога 14 дена ќе има под 5 отсто заразени

Сите мерки што се применуваат во моментов остануваат во сила и тие треба да се почитуваат. Комисијата за заразни болести и експертите не донесоа заклучок дека треба да се почне со укинување на полицискиот час и олабавување на другите рестриктивните мерки.

Ова го оцени заменик-министерот за здравство Арменд Аслани, во гостување на ТВ Телма одговорајќи на прашање дали може да има промена на полицискиот час до 23 мај.

Во однос на можноста за одржување избори рече дека за оваа тема ќе има простор да се разговара кога 14 дена бројот на заболени би бил под пет  проценти.

“Имавме одредени денови под пет проценти на дијагностицирани, но пред два – три дена, можеби инцидентно беше 10. Во деновите потоа имаше број што на пр. вчера изнесуваше 5,7 отсто, а денешниот имаме 14,5 отсто.

Комисијата за заразни болести не донесе заклучок дека треба да оди информација во Главниот кризен штаб и понатаму во Владата за продолжување на полицискиот час. Тоа што се дискутираше е врз основа на протоколите и врз основа на тие клучни компоненети се направени и фази, како во однос на Заводот за рехибилитација, за авто-школите, спортските тренинзи што ги исполнуваат условите и во најкраток можен рок може да ги спроведуваат нивните активности„, рече Аслани.

Тој додаде дека сите информации се анализираат на дневна основа од терен, но оти ќе почне да се анализираат и на неделно ниво и да се дојде до заклучок за да се оди во втората фаза, на мерки што се однесуваат на кафетерии, ресторани, хотелски објекти, јавен превоз, меѓународниот превоз, итн., за што нема дефинитивен датум.

„Главен столб би биле Комисијата и експертите кои имаат стручно мислење. Дали ќе има простор за избори од лидерската средба нагласувам дека за сето тоа ќе треба да се даде заклучок од Комисијата која понатаму би требало да се проценува од Кризниот штаб и од Владата.

Моментално според овие бројки и според Комисијата во наредните неколку дена не би можело да се спроведува. Но, ако имаме дневни информации за една-две недели и врз основа на тие статистики ако овој број на 14 дена е под пет отсто мислам дека би имале простор да разговараме на ова тема“, рече Аслани.

Во однос на отворањето на џамиите најавено од утре, рече дека тоа ќе може да се спроведе ако се почитуваат сите мерки за социјална дистанца, носење маски, простирка и да се користи надворешниот простор од џамиите.

Додава дека имале средби со претставници од Исламската верска заедница (ИВЗ) кои посочиле дека имаат  протоколи и оти ги имаат преземено сите мерки.

Во врска со случувањата во Струга и одржаната литија, рече дека имале средби во овој град со кризниот штаб, со претставници од МПЦ и ИВЗ.

Информира дека се следи состојбата будно оти, потенцира, од епидемиолошки аспект Струга може да биде и ново жариште, но резултатот, како што додаде, може да го видиме по осум до 10 дена дали ќе има скок на заразените.

МИА

ПОВРЗАНИ ВЕСТИ

Османи апелира да издржиме: Порастот на заболените го одложи олеснувањето на мерките против корона вирусот

Три нови кластери на заболени од корона вирусот низ тетовскиот регион

(Видео) Лекарска комора со апел: Се молат граѓаните да не се групираат и да ги почитуваат препораките за спречување на ширење на коронавирусот

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Детален преглед на состојбата со пациенти заболени со Ковид-19 по болниците

Редакција

Ковачевски: Францускиот предлог е солидна основа за градење став, инкорпорирани се нашите забелешки

Редакција

Уставниот суд денеска ќе одлучува за апанажата на функционерите и за функцијата на Артан Груби

Редакција