еМагазин
Image default
Бизнис

„Бетон-Штип“ во загуба од 95 милиони денари

ГТД  „Бетон-Штип“ а.д. Штип во периодот од  01.01.2018 година до 31.12.2018 година оствари негативен финансиски резултат – загуба во износ од 95.174.000 денари искажана во неревидираниот Биланс на успех, соопшти компанијата преку Македонската берза.

Во овој период се остварени вкупни приходи од 250.622.000 денари и тие се за 56,10% помали во споредба со приходите од 2017 година. Вкупните расходи се 345.797.000 денари и се намалени за 68,87%.

„Неликвидноста која не пратеше цела година која резултираше со недостаток на средства за одржување на тековното работење и набавка на репроматеријал за работа и редовно сервисирање на обврските.Одливот на работници во екот на градежната сезона која директно се одрази на реализацијата и претење на динамиката на градба на објектите.

Вложувањата кои ги направивме во изминатиов период не ги дадоа очекуваните резултати а каматите и ануитетите по кредитите достаса за плаќање и го зголемија вкупниот трошок на работењето.

Цела година работевме во правец на континуирано намалување на трошоците од работењето, на максимално искористување на постојните капацитети и максимално ангажирање на вработените во друштвото“, соопшти компанијата.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Претседателката на ССК, Арсовска: По чија мерка ќе се кројат постапките за јавни набавки?

Редакција

Дирекцијата за заштита и спасување вработува седум лица, плата до 28.444 денари

Никола Осило

Тендер „тежок“ 511.000 евра: Кој ќе ги осигура автобусите и имотот на ЈСП

Никола Осило