Министерство за финансии почнува со процес на подготовка на предлог на Закон за данок на моторни возила и за таа цел бара од сите засегнати страни да достават забелешки и сугестии околу новата законска метарија.
„Со новиот Закон за акцизите објавен во „Службен весник на Република Северна Македонија“ од 28.05.2019 година, оданочувањето на патничките автомобили не е предмет на уредување на овој закон.
Од таа причина истото ќе се регулира со нов посебен Закон за данок на моторни возила. Имајќи ги предвид европските практики и препораките од странските експерти во оваа област данокот на моторните возила покрај вредноста на моторните возила ќе се пресметува и врз основа на износот на просечната емисија на јаглерод диоксид – CO2 изразена во грамови по километар.
На овој начин ќе се придонесе кон увоз и користење на возила со пониска емисија на јаглерд диоксид, што ќе значи намалување на загадувањето на воздухот со цел да се обезбеди здрава животна средина што е основен предуслов за квалитетен живот на граѓаните“, пишува во известувањето од Министерството објавено на ЕНЕР.
Процесот на подготовка треба да заврши на 22. септември, а не е предвидена јавна расправа.
ПОВРЗАНИ ВЕСТИ
Арсовска: ССК не гледа потреба од субвенции за набавка на „половни“ возила
Ќе има „тепачка“ за субвенции: Пари има за само 900 возила
Многу кандидати за субвенциите од 2,7 милиони евра: Дури 269.000 возила се постари од 18 години
Детален преглед: Какви субвенции се предвидуваат со измените на законот за возила?