еМагазин
Image default
Да помогнеме

„Биди срцевина, биди херој“: На „Виз ер“ маратонот можете да дарувате крв и да спасите нечиј живот

Универзитетската Клиника за хематологија-Скопје ги информира граѓаните дека за време на одржување на Виз Ер скопскиот маратон (4 мај, сабота со почеток во 8.00 часот), може да се обратат на штандот бр 20 на Клиниката и да се запишат во Националниот дарителски регистар на коскена срцевина.

„На штандот ќе бидат ангажирани стручни тимови од Универзитетската Клиника за хематологија-Скопје и Институтот за Имунологија и хумана генетика при Медицинскиот факултет во Скопје, кои стојат на располагање да го објаснат процесот на зачленување во регистарот.

Ќе бидат обезбедени услови за дарување на една епрувета крв-5 милилитри кои се доволни за да се направи ХЛА типизација. Со овој гест ќе станете дел од глобалното семејство кое брои над 30.000.000 доброволни дарители на коскена срцевина во светот“, се вели во соопштението на Клиниката.

Од таму потсетуваат дека во тек е национална кампања „Биди срцевина, биди херој“, која ја спроведува Клиниката за хематологија во соработка со Институтот за имунологија и хумана гентика при Медицинскиот факултет во Скопје, а со поддршка од Министерството за здравство.

Целта на оваа кампања е подигање на свеста за хуманост, промовирање на солидарноста и засилување на можноста преку запишување  во националниот дарителски регистар, секој да може да се понуди да спаси човечки живот дарувајќи коскена срцевина.

Клиниката апелира до сите учесници на маратонот да ја покажат својата хумана и солидарна страна и да се впишат во регистарот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Да помогнеме: „Хак бус“организира бесплатен повратен превоз до Албанија до 1 декември

Редакција

Cooking with Branko организира хуманитарна вечера

Редакција

(Галерија) Братче и сестричка од кумановско Степанце живеат во услови полоши од штала

Редакција