еМагазин
Image default
БАШ НИ Е ЌЕФ

Бигорскиот манастир преполн со верници

Манастирот „Свети Јован Крстител“ попознат како Бигорски манастир, беше претесен да ги прими сите верници кои сакаа во ова македонско древно светилиште да бидат во пресрет на раѓањето Христово – Божик.

Во Бигорскиот манастир беа и естрадните уметници групата Љубојна, потоа Некст Тајм, Димитар Андоновски и Елена Ристевска, кои пред присутните изведоа мини Бадников концерт. Тие присуствуваа и на сеноќното бдение.

На бдението игуменот на Бигорскиот манастир, отец Партениј, со слово се обрати на многубројните присутни, кои беа од сите краишта на Македонија. Бдението продолжи до 6 часот изутрина, а традиционално отец Партениј најмладите ги израдува со божикни пакетчиња.

-Храмот беше навистина претесен да ги собере сите оние луѓе кои тука пристигнаа, а меѓу нив најмногубројни беа младите кои жедни за да се напијат од изворот на оваа духовна радост, го примија и благословот кој штедро им Го излеа Богомладенецот Христос, вели отец Кирил.

Инаку, во Дебар и Ростуше првпат вчера имаше бадникови поворки со четресеттитна деца од Дебар и неколку села од Река, опшина Маврово и Ростуше. Поради продолжениот викенд заживееја и селата од Мала Река, Тресонче, Гари, Осој…каде за празниците се некогашните жители и нивните потомци, кои денеска живеат главно во Скопје и Битола.

МИА/ Фото: bigorski.org.mk

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Браво: Наставничката од битолско Трново руинираната училница ја претвори во бајка

Редакција

Учениците од „Нова“ донираа храна за социјално загрозените семејства

Редакција

Алсат М е добитник на наградата „Медиум промотор на новинарството како јавно добро – Роберто Беличанец“

Редакција