Обвинителите Љубомир Јовески и Вилма Рускоска од Јавното обвинителство денеска на прес-конференција објаснија зошто се уапсени Бојан Јовановски (Боки 13) и Зоран Милевски-Кичеец и истовреме побараа притвор за нив.
Рускоска рече дека првоосомничениот Јовановски зел 1,5 милиoни евра од лице под истрага, за да му ја олесни положбата преку влијание кое го имал кај јавен обвинител.
Второосомничениот овозможувал средби со лицето под истрага. Двајцата се осомничени за кривичното дело Примање награда за противзаконито влијание.
Рускоска истакна дека од лицето под истрага биле побарани 8 милиони евра за да се запре кривичната постапка против него, но откако добиле 1,5 милиони евра, тие се посомневале во доверливоста на сведокот и престанале со средбите.
Рускоска објасни дека за првоосомничениот се води истрага и за перење пари, затоа што претходно примените пари од сведокот ги пуштил во оптек како легално стекнати пари и купувал облека и плаќал одмори иако тоа ги надминува неговите приходи.
ПОВРЗАНИ ВЕСТИ
Биле користени и ПИ-мерки: За Боки 13 и Зоран Кичеец се водела предистражна постапка од 2 мај
Фото: Фејсбук/Боки13