Економскиот аналитичар Бранимир Јовановиќ реагираше на писмото кое сопствениците на текстилните фабрики здружени во Текстилниот кластер го упатија до министерката за финансии Нина Ангеловска, министерката за труд и социјална полтитика Мила Царовска и до вицепремиерот за економски прашања Кочо Анѓушев.
Во него, газдите бараат текстилните работници да работат по 8 и пол часа, за да може паузата од половина час да им биде платена, бараат и да се укинат празници за да нема дисконтинуитет во производството. Тие дури се заканија и со штрајк, поради условите за водење на бизнис.
„Текстилните газди бараат да се продолжи работното време во текстилната индустрија на 8 и пол саати, зашто работничките имале пола саат пауза.
Ја мислам малце е 8 и пол саати, 12 треба да бараат. И да се работи 7 дена во неделата. И да се забрани одење во тоалет за време на работа. И излегување надвор од халата. И зборување да се забрани. И јадење и пиење. И окови да им се стават на работничките. И на секои десет работнички, по еден камшикар.
Зашто стварно не иде газдите да возат џипови од по 100.000 евра. Треба веќе и приватни авиони да почнат да купуваат“, пишува Јовановиќ на неговиот фејсбук-профил.
ПОВРЗАНИ ВЕСТИ
фото: Фејсбук-профил на Јовановиќ