еМагазин
Image default
Бизнис

Бранимир Јовановиќ: Владата работи за богатите со одложување на оданочувањето на капиталните добивки

Економскиот аналитичар Бранимир Јовановиќ, на својот Фејсбук профил, анализира што би значело одложувањето на оданочувањето на капиталните добивки од хартии од вредност и доходот од камати.

Тој беше во тимот на поранешниот министер за финансии Драган Тевдовски, кој ја донесе оваа мерка.

1. Со одложувањето би се пратиле јасна порака дека Владата работи за богатите, спротивно на она што се прокламираше изминативе години. Со кое морално право ќе ги ослободите од данок оние кои прават пари од тргување со акции и од чување огромни депозити во банка, а ќе ги даночите, на пример, текстилните работнички кои мака мачат за да извадат минималец?

2. Со одложувањето се оди спротивно на праксите во ЕУ. Скоро и да нема ЕУ земја во која не се оданочуваат капиталните добивки и каматите. Европските интеграции не значат само одење по состаноци и сликање, тие значат и прифаќање на европските пракси, колку и да не им одговараат тие пракси на поединци од власта.

3. Оданочувањето на доходот од камати се однесува само на износот на камати кој надминува 250 евра годишно. Со денешните камати од околу 1%, тоа значи дека сите штедни влогови под 25.000 евра се веќе ослободени од оданочување. Тоа исто така значи и дека ако некој оствари камата од 300 евра, ќе плати данок само на износ од 50 евра, односно, ќе плати данок од 15%*50 евра, односно, 450 денари.

4. Со одложувањето на оданочувањето, државата ќе остане без неколку милиони евра приходи во буџетот, што значи ќе има неколку милиони евра помалку за образование, здравство и други јавни услуги.

5. Оданочувањето на капиталните добивки и каматите беше одложувано неколку пати во минатото, секогаш под истиот изговор, за поддршка на берзата и банките. Доколку и имало вакви ефекти, тие се веќе исцрпени. Натамошно одложување на оданочувањето ниту ќе ја заживее берзата, ниту ќе направи банките да даваат поповолни кредити.

ПОВРЗАНИ ВЕСТИ

Ќе падне ли Владата на колена пред банките и богатите за оданочувањето на капиталните добивки и депозитите?

фото: Фејсбук/Јовановиќ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Годинава ќе повлечеме 110 милиони: ММФ и одобри на Македонија пристап до 530 милиони евра

Редакција

Ковид-19 не ја спречува градежната офанзива: Издадени одобренија за 747 станови

Редакција

Акциите во Раде Кончар – Апаратна техника, Аце Антевски ги подари на ќерката и синот

Редакција