Специјалната јавна обвинителка Катица Јанева во емисијата „Правда и неправда“ на 1ТВ изјави дека Влатко Мијалков, братот на поранешниот директор на Управата за безбедност и контраразузнавање (УБК), Сашо Мијалков е еден од најприслушуваните во материјалите со кои располага Специјалното јавно обвинителство (СЈО).
Јанева рече дека тоа е необично, бидејќи прислушуваните разговори потекнуваат од Управата за безбедност и контраразузнавање, со која раководел Сашо Мијалков.
„Како може брат да биде најприслушуван? Тоа е невообичаена работа. За него се уште се дослушуваат разговорите. Има повеќе предистражни постапки за кои се прибираат докази. Ќе видиме како ќе тече постапката“, рече Јанева.
Јанева рече и дека во најголем дел од прислушуваните разговори се јавуваат поранешните министри Миле Јанакиески и Гордана Јанкулоска и новинарот, Драган Павловиќ Латас.
Фото: СЈО