Текстилна конфекција од Македонска Каменица почна со производство на висококвалитетни повеќенаменски заштитни медицински маски.
Како општествено одговорна компанија, првите 100 произведени медицински маски денеска од конфекцијата беа доделени за потребите на Општина Македонска Каменица.
-Производството на заштитните медицински маски ќе продолжи, како и поддршката кон заедницата во овие вонредно кризни моменти. Со ова сакаме да помогнеме и преку институциите да придонесеме во спречувањето и ширењето на заразата од коронавирусот, истакнаа од текстилната конфекција „Текстил М”.
Во меѓувреме, волонтери од Здружението на граѓани „Глас на еднаквоста” и Општина Македонска Каменица ги продолжуваат активностите за набавка на прехранбени производи, лекови и средства за лична хигиена на стари и изнемоштени лица и лица со посебни потреби.
Целта е овие лица да не остваруваат непосредни контакти со останатите луѓе за да не се изложуваат на опасност од инфицирање со вирусот Ковид-19.
МИА
ПОВРЗАНИ ВЕСТИ
(Фото) Фирмата Гифти Текс од Прилеп веќе изработи 1.000 маски бесплатно, кои ќе се донираат
Многу е просто, колку ќе трае кризата со корона вирусот зависи од НАС
(Видео) Како безбедно да го исчистите смартфонот од евентуално присуство на корона вирусот?