еМагазин
Image default
Бизнис ТОП СТОРИИ

Британци со компјутерска измама украле над 400 илјади евра од македонска фирма

СВР Штип соопшти дека поднела кривична пријава против две физички лица Ј.Т.С. (21) и A.A.A. (44) и правно лице од Велика Британија, поради постоење основи на сомнение за сторено кривично дело „компјутерска измама“.

Како што информираат од Министерството за внатрешни работи, првопријавениот, одговорно лице во правното лице и третопријавениот извршиле промена на компјутерски податоци, со што предизвикале невистинит резултат при пренос на податоци.

– Преку електронска порака, до оштетеното правно лице од Пробиштип, испратиле лажни банкарски инструкции за меѓународно плаќање, врз основа на кои оштетеното правно лице извршило плаќање во износ од 425.653 евра кон банкарската сметка на второпријавениот, наместо на вистинскиот добавувач.

На тој начин тие причиниле вкупна материјална штета од 425.653 евра на правното лице од Пробиштип, посочуваат од МВР.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Реконструкцијата на Универзална сала треба да заврши до 2026 година, еве како изгледа сега

Редакција

Овогодинешниот јуни постуден и екстремно дождлив

Редакција

Агенција за странски инвестиции и промоција на извозот ќе потроши 4 милиони денари за авионски карти

Редакција