Коњичкиот клуб „Шерпа хорс рајдинг“ (Sherpa Horse Riding) беа домаќини на британски туристи, искусни јавачи на коњи, кои шест дена поминаа 230 километри на коњи на Галичник, Лазарополе, Стогово, Бистра, Маврово.
Шестдневната тура е во рамките на „Мијак трајб треилс“ кои „Шерпа хорс рајдинг“ ја нудат како услуга.
„Провајдерот што доаѓа од Велика Британија, нуди услуга „хорс рајдинг холидеј“ за нивните клиенти, односно провајдираат годишно од три до четири илјади јавачи кои користат нивни услуги. Седум години пробуваме да стапиме во контакт со нив, а пред три години го остваривме првиот контак.
Малку беа индиферентни во однос на тоа дека треба да дојдат во Македонија, не им беше јасно каде е. Во меѓувреме последните две години, минимум седум нивни члена не посетија и учествуваа во турите. Како искусни јавачи пренеле многу позитивно искуство, што како 20-годишни јавачи не го доживеале. Ни се јавија и договоривме да не посетат“, велат за еМагазин од „Шерпа хорс рајдинг“.
Турата вклучува јавање од Галичник до Лазарополе, потоа Стогово, Гари, Бистра, Маврово. Освен спиење по хотели, туристите кампувале за што биле обезбедни сите потребни услови.
До септември, за време на викендите овој клуб веќе 75 отсто е букиран.
ПОВРЗАНИ ВЕСТИ
(Галерија) Имаат туристи за јавање на коњи на Галичник, нема превоз како да ги донесат до таму
Најубавото од Галичник: Што е тајната на вкусот на галичкото сирење