Бројката на заразени со коронавирусот на крузерот, кој е во карантин во јапонското пристаниште Јокохама, се зголеми на 174.
На бродот се наоѓаат и тројца наши државјани, кои според македонските власти се во добра здравствена состојба.
Македонската радио-телевизија извести дека, на девојката од Велес која се наоѓа на крузерот и е дел од персоналот ѝ било забрането да дава изјави. Официјалните лица на компанијата, преку која таа е вработена на бродот, изјавиле дека степенот на безбедност е зголемен и на бродот има и медицински персонал кој ја следи ситуацијата.
Крузерот „Дајмонд Принцес” со 3.700 патници е ставен во карантин откако вплови во пристаништето Јокохама и беше откриен случај на заболен помеѓу патниците.
ПОВРЗАНИ ВЕСТИ
За само еден ден 100 смртни случаеви: Коронавирусот веќе усмрти над 1.000 лица
Суперпренесувачи го шират коронавирусот низ светот