Законодавецот и општеството во овој момент Специјалното јавно обвинителство (СЈО) го држат во некаква вештачка кома, истакна денеска јавниот специјален обвинител Гаврил Бубевски одговарајќи на новинарско прашање во врска анкетата чии резултати покажуваат пад на довербата на јавноста кон СЈО.
Тој рече дека не постои некој драстичен пад споредено со претходната анкета.
„Но, и разбирливо е сето ова, затоа што и законодавецот и општеството во овој момент СЈО го држат во некаква вештачка кома.
Со одлуката на Врховниот суд, со непостапувањето и по едно од обвиненијата во судот, се чувствува дека одлуката на Врховен си нашла свој пат и во овој момент освен судење за тие обвиненија што сме ги поднеле во рокот до 30 јуни, ние освен документација што прибираме, немаме други активности и со самото тоа нормално е луѓето да немаат доверба во нашата работа.
Но, тоа многу брзо ќе се крене само да ги добиеме можностите“, рече Бубевски.
МИА
ПОВРЗАНИ ВЕСТИ
Анкета: 51,3% од граѓаните не ја одобруваат работата на Владата, 57,1% немаат доверба во СЈО