еМагазин
Image default
Македонија ТОП СТОРИИ

Бугарија ќе поддржи отворање преговори на Македонија со ЕУ, но не безусловно

Бугарија ќе ја поддржи одлуката за почеток на преговори за членство на Северна Македонија и Албанија во ЕУ, одлучи денеска бугарската Влада. Сепак, Софија постави и услови што ќе треба да бидат исполнети во текот на преговорите.

Вицепремиерката и министерката за надворешни работи Катерина Захариева по седницата на Владата изјави дека Софија е за старт на преговорите со Северна Македонија и Албанија во пакет, бидејќи смета оти нивното раздвојување би било грешка и може да доведе до нестабилност во регионот.

Во однос на Северна Македонија, Захариева рече дека Бугарија отсекогаш како услов за нејзина поддршка ги поставувала добрососедските односи.

– Тоа е јасно уште со Декларацијата од 1999 година, потоа со Меморандумот за поддршка на евроатлантската и евроинтеграцијата на земјата и конечно со потпишувањето на Договорот за добрососедство од страна на премиерите Бојко Борисов и Зоран Заев, изјави Захариева.

Бугарија, нагласи Захариева, ќе гласа „за“ отворање преговори со Скопје и со Тирана на претстојните средби на Советот на ЕУ на 15 и на 17 октомври.

И министерот за одбрана Красимир Каракачанов по владината седница изјави дека Бугарија го поддржува членството на Северна Македонија во ЕУ, но не безусловно. Според него, од Скопје зависи колку време ќе трае пристапувањето во Унијата.

Историјата не може да биде компромис, рече Каракачанов, додавајќи оти решавањето на отворените историски прашања е еден од бугарските услови.

– Сите институции во Бугарија сметаат дека треба да и се даде можност на Северна Македонија, но тоа никако не може да биде безусловно. Бугарија сега нема да ја сопре Северна Македонија да ги почне преговорите, но пред да почнат суштинските преговори ќе мора да бидат исполнети и неколку услови, а еден од нив да се заокружи работата на Меѓувладината комисија за историски прашања, изјави Каракачанов.

МИА

ПОВРЗАНИ ВЕСТИ

Грција смета дека отварањето преговори само со Македонија може да донесе дестабилизација на северната граница

Бугарија ги кажа условите за датум за ЕУ: Скопје да не бара признавање на македонско малцинство

Холандија е за раздвојување на Македонија и Албанија, но нема да става вето

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Бранимир Јовановиќ се повлекува, повеќе не е советник на Тевдовски

Редакција

(ВИДЕО) Тинејџерите „одлепија“ по нив: Кои се македонските јутјубери Марко Марковиќ и Стефан Рашковиќ

Редакција

Утврден составот на новата Актикорупциска комисија, Билјана Ивановска предложена за претседателка

Никола Осило