еМагазин
Image default
Македонија ТОП СТОРИИ

Бугарија го ратификуваше Протоколот за членство на Северна Македонија во НАТО

Парламентот на Република Бугарија денеска го ратификува Протоколот за членство на Република Северна Македонија во НАТО. За ратификацијата гласаа 140 пратеници, а против и воздражни немаше.

На пленарната седница на која присуствуиваше и претседателот на Собранието на Република Северна Македонија, Талат Џафери, се обрати вицепремиерката и министерка за надворешни работи на Бугарија, Екатераина Захариева, која рече дека моментот на присоединување на Северна Македонија кон НАТО е историски за Алијансата.

-Бугарија е постојан поддржувач за влезот на Северна Македонија во НАТО. Бугарија го прифати ангажманот да работи на забрзување на процесот за евроатлантска интеграција на земјата, како и за внатрешни реформи, и за стабилизирање на регионот, рече Захариева.

Таа посочи дека политиката на проширување на НАТО се смета за еден од најуспешните инструменти за просперитет.

-Водени од тоа убедување неколку бугарски влади донесоа одлуки за склучување меморандуми со тогашната Република Македонија. Патот за просоединување кон НАТО не беше лесен за нашите соседи. Заедничките вежби на нашите армии ќе придонесат за развој на нашите способности, посочи Захариева.

На седницата не присуствуваа пратениците на опозициксата Бугарска социјалистичка партија. Тие веќе неколку дена го бојкотираат Парламентот поради измените на Изборниот законик.

Инаку, Џафери кој престојува во официјална посета на Бугарија пред пленарната седница одржа средба со неговата бугарска колешка Цвета Карајанчева, која истакнала дека Бугарија ќе продолжи со поддршката за напорите на Северна Македонија за европските и евроатлантските инетеграции.

-Ви честитам за успеешното завршување на ратификацијата на Договорот од Преспа и за потпишувањето на Протоколот за пристапување кон НАТО, рече Карајанчева.

Џафери од своја страна изразил благодарност за напорите и поддршката која Софија ни ја укажа за европските и евроатланстите интеграции.

– Дијалогот и соработката можат да не водат напред, рекол Џафери.

Предвидено е Џафери да има средба и со вицепремиерката и министерката за надворешни работи на Бугарија Екатерина Захариева. Протоколот за членство во НАТО прва го ратификуваше Грција, а досега тоа го направија и Словенија и Албанија.

МИА/Фото: Влада

ПОВРЗАНИ ВЕСТИ

Албанскиот Парламент го ратификува пристапниот Протокол за членство на Македонија во НАТО

По Грција и Словенија го ратификува Протоколот за членство на Македонија во НАТО

Грција прва го ратификуваше Протоколот за членство на Македонија во НАТО

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ЈП за државни патишта вработува 13 државни службенци од албанска, турска и ромска националност

Редакција

Поглаварот Реџепи ја обвини Владата и државните органи дека се насочени против ИВЗ

Редакција

(Фото-галерија) Вонземско доживување: Како се славеше Велигден во Бигорскиот манастир

Никола Осило