еМагазин
Image default
Македонија

Бугарскиот европратеник им пиша европратениците поради македонската Резолуција

Бугарскиот европратеник Ангел Џамбаски упати остар коментар за Резолуцијата за утврдување на државните позиции на Северна Македонија во контекст на блокадите на европските интеграции, усвоена во четвртокот во македонското Собрание, тврдејќи дека таа ги прави застарени сите дискусии базирани на факти.

ПОВРЗАНИ ВЕСТИ

Бугарското МНР разочарано од македонската Резолуција, внимателно ќе ја анализира содржината

Во писмо до европратениците, како и до шефот на германската дипломатија Хајко Маас, Џамбаски вели дека ако се почитуваат тие „црвени линии“, Заедничката македонско-бугарска комисија, формирана врз основа на Договорот за добрососедство во 2017, просто не може да функционира.

– Нејзина првична цел беше да ги реши проблемите што досега не беа решени, поврзани со историјата, културата, идентитетот и јазикот. Но, од самиот почеток македонската страна повеќепати ја бојкотира Комисијата, бидејќи не може да претстави сигурни докази, базирани на првични и вторични историски извори, кои ги поддржуваат нејзините тврдења,тврди тој.

Тој обвинува дека Резолуцијата за „црвените линии“ ги прави застарени сите дискусии засновани на факти, документи и сигурни извори и посочува дека без оглед на доказите што се презентирани, македонската страна ќе каже дека едноставно нема да разговара за ова прашање.

– Оваа последна тактика очигледно ја потврдува нашата позиција, а тоа е дека современиот македонски идентитет се заснова на историска лага преку создавање државна митологија.

Сакам да кажам дека не го одрекуваме државниот идентитет на Северна Македонија по 1944 година. Не негираме дека нивниот јазик е кодифицирана верзија на западнобугарските дијалекти, пак по 1944 година.

Ние се спротивставуваме на секакви обиди да крадат делови од нашата историја, базирани на факти, признаени од меѓународни историчари, тврди тој.

Џамбаски на крајот пишува и дека друг неизбежен факт е дека бугарската позиција за историското прашање не може и нема да се промени.

ПОВРЗАНИ ВЕСТИ

Собранието ја усвои Резолуцијата на ВМРО-ДПМНЕ за „црвените линии„ со Бугарија

МИА/Фото: Џамбаски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Детален преглед: Што пишува во Законот за амнестија за крвавите настани во Собранието?

Редакција

Ја поддржуваме Резолуцијата на ВМРО-ДПМНЕ, но уставното име на државата мора да се почитува, изјави Заев

Редакција

Обвинителство бара притвор за тројца браќа кои се под истрага за обид за убиство на полицаецот во Велес

Редакција