еМагазин
Image default
БАШ НИ Е ЌЕФ

Царовска: „Сивиот дом” на нашиот социјален систем од денеска замина во историјата

Во двата мали групни домови отворени денеска се згрижени децата кои досега престојуваа во поранешната установа „Ранка Милановиќ“. Од денеска натаму, трите институции за згрижување деца без родителите и родителска грижа, деца со воспитно-социјални проблеми и деца со интензивна потреба од поддршка и рехабилитација обезбедуваат индивидуална грижа во мали групни домови, во топла средина налик на семејната.

„Од денеска, „сивиот дом“ на нашиот социјален систем замина во историјата. Со интензивна стручна поддршка и 24 часовен надзор ќе им помогнеме на децата кои на рана возраст дошле во судир со законот, да зајакнат и да се развијат во идни активни граѓани кои учествуваат во заедницата. Реинтеграцијата на децата е нашата цел – во иднина да имаме примери на успешни млади кои го оформуваат образованието и стекнуваат позитивни животни вештини“, истакна Мила Царовска, министерка за труд и социјална политика.

Домот е место во кое секој треба да чувствува припадност и сигурност. Ова се однесува за сите деца, но особено за децата со комплексни емотивни потреби кои најчесто застрануваат од патот поради недостиг од поддршка во семејството и заедницата.

„Без оглед на тоа колку добро е опремена, или колку се квалитетни вработените, една институција не може да ја замени љубовта и поддршката што постои во семејно опкружување. Денес правиме уште еден важен чекор кон ставање крај на сместување деца во институции, но трансформацијата во работата на „Ранка Милановиќ“ само што започна и ќе бара континуирана посветеност и инвестиции за секое дете да има можност да се справи со негативните искуства и да го развие својот целосен потенцијал,“ рече Елспет Ериксон, заменик претставник на УНИЦЕФ.

Виолета Масевска Палиќ, директорка на Јавната установа за згрижување деца со социјално-воспитни проблеми и нарушено поведение „25 Мај“ изјави дека нивната служба за деца со социјално-воспитни проблеми повеќе од една година згрижува над 25 деца во пет групни домови.

„Децата редовно одат на училиште, бегствата се драстично намалени, се вклучуваат во креативни работилници, организираат изложби и немаат судир со законот, што порано беше секојдневие. Тоа не уверува дека и во овие нови групни домови за децата со нарушено поведение ќе обезбедиме грижа, поддршка и стручна работа што ќе им помогне на децата да се развијат во креативни и исполнети личности“, изјави Масевска Палиќ.

Во изминативе две години отворивме вкупно 20 мали групни домови за деца и уште
три за возрасни, а бројот на лица долгорочно згрижени во институциите го намаливме
за повеќе од една третина.

Во изминативе две години отворивме вкупно 20 мали групни домови за деца и уште три за возрасни, а бројот на лица долгорочно згрижени во институциите го намаливме за повеќе од една третина.

„Во летото 2017 најавивме дека нема да има повеќе деца до тригодишна возраст згрижени во институции до крајот на 2020 година. Многумина беа скептични. Тогаш, во шесте социјални институции низ земјава беа сместени 180 деца до 18 годишна возраст. После малку повеќе од две години, денеска во институциите имаме уште 5 деца до 18 годишна возраст. Со увереност можам да најавам дека до крајот на годинава, ниту едно дете под 18 годишна возраст нема да биде сместено во институција во Северна Македонија. Бидејќи секое дете заслужува грижа и топол дом“, дополни Царовска.

Со трансформацијата на институциите се отворија и нови работни места. Со вложување во нови вработувања и во развој на човечките ресурси, обезбедуваме вистински квалитет на грижата.

ПОВРЗАНИ ВЕСТИ

На штитеници кои од домот „Ранка Милановиќ“ преминуваат во мали групни домови им треба облека

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ООУ Лазо Ангеловски домаќин на краткорочна размена на ученици во рамките на Еразмус + проектот „Млади новинари денес-одговорни дигитални граѓани утре“

Редакција

(Фото) „Алкалоид“ ќе помага и на македонското таеквондо

Редакција

„Врба“ на Манчевски е македонскиот кандидат за „Оскар“ за 2021 година

Редакција