еМагазин
Image default
Бизнис

Централна кооперативна банка лани оствари добивка од 9,8 милиони денари

Централна кооперативна банка АД Скопје ја заврши 2019 година со нето-добивка од 9,8 милиони денари и успеа да оствари позитивен финансиски резултат за 6,9% повисок од планираниот за годината, соопшти банката преку Македонската берза.

„На 31 декември 2019 година, банката забележа раст на вкупната актива/пасива за 14,7% во однос на крајот од минатата година, при што поставениот план за 2019 година е надминат за 3,1%.

Порастот се должи на реализацијата на зацртаниот деловен план, во рамки на којшто беше предвидена и спроведена целосната реализација на првата емисија на конвертибилни обврзници на Централна кооперативна банка АД Скопје (март 2019 година), во вкупен износ од 5 милиони евра.

На страната на активата, оваа емисија, заедно со растот на депозитната база, доведоа до пораст на позицијата парични средства и парични еквиваленти за 34,9% во однос на претходната година. Поставениот план за оваа позиција е надминат за 28%.

Вишокот на ликвидна актива банката го насочи кон вложувањата во хартии од вредност, при што е забележан пораст од 60,6% во однос на крајот од годината и истите се за 2,8% повисоки од поставениот план за 2019 година“, информираат од банката.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Се најавуваат илјадници отпуштања: Угостителите нема да ги користат мерките на Владата

Редакција

Министерството за култура потрошило 6,1 милиони евра за 599.000 отпечатени, а недистрибуирани книги

Редакција

„Водовод и Канализација“ лани со приходи од 1,1 милијарда денари

Редакција