Скопската општина Чаир со недели има најмногу активни случаи на заразени со корона вирусот не само во рамките на Град Скопје, туку и на национално ниво.
Според податоци на Министерството за здравство, заклучно вчера, во Чаир има 402 активни случаи, што е повеќе од бројот во градските општини со најголем број на активни случаи во Македонија, кои во вкупната бројка опфаќаат и случаи и од по неколку рурални општини.
Па така, Чаир има повеќе активни случаи од Тетово (второ место), каде има 322, од Куманово (трето место), каде има 250, и од Штип (четврто место), каде има 186 активни случаи.
Во Скопје вчера беа регистрирани 55 нови случаи на заразени со Ковид-19.
Заклучно вчерашните податоци, во Скопје има вкупно 2.588 случаи на заразени со Ковид-19, од кои активни се 1.734.
ПОВРЗАНИ ВЕСТИ
Чаир има над 400 активни случаи на Ковид-19: Детален преглед по скопски општини
Потег за почит: Доктор од Куманово донираше крвна плазма за ресенчанец заболен од корона вирусот
Поради корона вирусот муслиманските верници од земјава нема да одат на аџилак
Фото: Град Скопје