еМагазин
Image default
Бизнис

Четири компании не добија државни пари поради поврзаност со функционери

Четирите компании кои се изјаснија дека во сопственичката структура имаат носител на јавна функција или член на потесното семејство, се изземени од сегашниот процес на потпишување на договорите, објави денеска директорот на Фондот за иновации и технолошки развој Јован Деспотовски.

Тој посочи дека побарал од Комитетот за одобрување на инвестиции повторно овие проекти да се евалуираат.

За 73 други компании кои се изјасниле дека немаат носители на јавни функции или нивни членови во сопственичката структура, постапката на потпишување на договорите е при крај.

– Очекувам дека тие инвестициски проекти веќе во наредните неколку недели ќе почнат со практична реализација, рече Деспотовски, одговарајќи на новинарско прашање во Владата по потпишувањето на договорите за финансиска поддршка за отворање бизнис- акцелератори за млади.

Вицепремиерот за економски прашања Кочо Анѓушев ги отфрли како шпекулации информациите пласирани во јавноста дека некои компании однапред ќе добијат грантови.

– Пари се уште никој не добил бидејќи парите се добиваат откако фирмите ќе ги покажат своите капцитети и ќе ги инвестираат своите средства. Значи, она што беше како информација претходно пласирана во јавноста дека некои однапред ќе добијат некакви грантови е комплентна шпекулација и ја демантирам, изјави Анѓушев.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Бугарската „Соларпро холдинг“ го доби тендерот на Градски паркинг – Скопје за набавка на струја вреден 61.000 евра

Никола Осило

ССК: Повисоките трошоци ќе ги поскапат становите

Никола Осило

Фич го потврди рејтингот на Македонија – ББ со позитивен изглед

Редакција