еМагазин
Image default
Македонија ТОП СТОРИИ

Четворица ослободени во случајот „Змиско око“, кој се води 13 години, за останатите условни казни

Основниот кривичен суд Скопје денеска ја објави пресудата за предметот во јавноста познат како „Змиско око“ против 46 обвинети и седум обвинети кои се судат во раздвоени постапки.

„При одлучувањето, како што беше и кажано при објавата, судот ги изведе доказите кои се содржани во напатствијата од одлуката на Апелацискиот суд Скопје, ги имаше предвид својствата на обвинетите, односно улогата која ја имале во предметниот период, а при анализа на доказите и при одлучувањето судот се раководоше исклучиво од материјалните докази кои укажуваа на кои наплатни станици е констатирана некаква штета, а на која наплатна станица не е утврдена никаква штета при работењето на инкасантите“, се наведува во соопштението од судот.

Со пресудата, како што стои во соопштението, Обвинението за кривичното дело Злосторничко здружување по чл. 394 ст.2 од КЗ се одбива поради настапување на апсолутна застареност.

„Обвинетите В.М. С.А., В.Ј., З.Б. се ослободуваат од обвинение за кривичното дело Злоупотреба на службена положба и овластување по чл.353 ст.5 вв ст.1 од КЗ. Останатите обвинети се огласуваат за виновни за кривичното дело по чл. 353 ст.5 вв ст.1 од КЗ па имајќи ја предвид нивната позиција, својство и овластување им се изрекува: За одговорното лице – алтернативна мерка Условна осуда со казна затвор од 2 години која нема да се реализира доколку во следните 5 години не стори ново кривично дело“, се додава во соопштението.

Од судот посочуваат дека на обвинетите кои имале својство на контролори на наплатни станици им се изрекува алтернативна мерка Условна осуда со казна затвор од 1 година и 6 месеци доколку во следните 3 години не сторат ново кривично дело, обвинетите со својство на сменоводители и инкасанти им се изрекува алтернативна мерка Условна осуда со казна од 1 година доколку во следните 2 години не сторат ново кривично дело.

Воедно судот не го прифатил предлогот на застапникот на обвинението со дополнителна пресуда да одлучува по однос на имотно – правното побарување и за тоа Државниот правобранител го упатил на граѓанска парница.

„Потребно е да се напомене дека при објавата на пресудата еден од обвинетите чии идентитет е познат искажа навреди и пцовки упатени кон судечкиот совет за што судот ќе изготви службена белешка и ќе покрене соодветна постапка“, се наведува во соопштението од Основниот кривичен суд Скопје.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Вучиќ им зготви вечера на Заев и Рама во Словенија, им направи мангулица во леб

Редакција

(Видео) Мицкоски по лидерската: Нема мнозинство за уставни измени, логично е да одиме на предвремени парламентрани избори

Редакција

„Аутомотив груп“ го доби тендерот на Државниот санитарен и здравствeн инспекторат за набавка на две возила вреден 21.000 евра

Редакција