еМагазин
Image default
Свет ТОП СТОРИИ

ЦИА помогнала да биде лоциран: Во Сирија е убиен лидерот на Исламската држава, Абу Бакр ал-Багдади

Во американска воена операција во Сирија се верува дека е убиен лидерот на Исламска држава, Абу Бакр ал-Багдади, пренесуваат сите светски агенции.

Неименуван американски претставник за домашните медиуми изјави дека ал-Багдади синоќа бил цел на напад на нивните сили во Идлиб и дека се очеува потврда дека тој навистина е убиен во акцијата на американските специјалци.

Американскиот претседател Доналд Трамп, синоќа на Твитер напиша: „Нешто големо штотуку се случи“.

Портпаролот на Белата куќа, Хоган Гидли, изјави дека Трамп во текот на денот ќе се огласи за овој настан.

Ирак, од друга страна, веќе потврди дека има информација од свои извори во Сирија дека ал-Багдади е убиен, во нападот на американските специјални единици врз ќелија на групата, пренесоа британските медиуми.

„Нашите извори од Сирија на разузнавачите им потврдија дека тој е убиен, заедно со неговиот личен телохранител, откако неговото скривалиште во Идлиб било откриено додека се обидувал да го извади своето семејство од регионот и да ги одведе кон турската граница“, изјавил ирачкиот извор од Сирија.

ДПА јави дека ал-Багдади бил нападнат во рација во северо-западна Сирија, а ЦИА помогнала во неговото лоцирање.

„Њусвик“, исто така, објави за рацијата, додавајќи дека неа Трамп ја одобрил уште пред една недела.

Официјален претставник на американската армија изјави дека Министерството за одбрана има „голема верба“ дека „вредната цел“ е убиена во рацијата во северно-западната провинција Идлиб, иако очекува дополнителна верификација.

Засега нема официјална потврда за смртта на водачот на ИД.

Конечната потврда се чека по спроведените ДНК и биометриски тестирања, изјавија извори за Си-Ен-Ен.

Рацијата ја изведоа командоси од специјалните сили.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Општина Радовиш склучи договор со фабриката Карпош вреден 1,8 милион евра

Редакција

(Галерија) Заев дојде на роденден кај Ахмети, домаќинот пресече и торта

Редакција

Боки 13 барал прием кај Заев, тој му одговорил: „ги видов доказите, ова е чист рекет“

Редакција