Градоначалникот на Општина Берово, Звонко Пекевски, ја купи првата акција од ученичката компанија на средношколците од ОСУ „Ацо Русковски„ од Берово, со вредност од 1.000 денари, информираат од Општината.
Имено, група средношколци од прва до четврта година, формираат ученичка компанија, која во иднина би можела да ги одведе на меѓународен натпревар во Франција.
Својата бизнис идеја, тие ја презентира пред градоначалникот на Општина Берово, кој им застана на располагање, за секаков вид подршка, а воедно ја купи и првата акција од ученичката компанија, посакувајќи им на учениците, да ги остварат своите цели и да ја промовираат општината во меѓународни рамки.
Под менторство на професорката Цветанка Пеовска, во својата компанија, учениците ќе брендираат локални малешевски производи, чаеви и козметички креми, направени од билки, а сето тоа ќе го финансираат од емисија на акции, од кои може секој, да си купи и да биде дел од целокупниот проект.
Натпреварот во најдобар бизнис концепт, го организира „Џуниор Ачивмент Македонија„, а истиот е поддржан од УСАИД.
Со купување на акции, кои имаат вредност од 100, 200, 500 и 1.000 денари да ги подржиме овие млади луѓе, да ја реализираат својата идеја и да бидат први на натпреварот, кој ќе се одржи на 10. мај во Скопје.
За подетално инфо како да купите, пишете меил на [email protected].
Фото: Општина Берово