еМагазин
Image default
Македонија

Давидовиќ: УБК ги злоупотребила обвинетите од 27 април како заморчиња

Александар Василевски – Нинџа е контраверзен лик кој предизвика внимание во јавноста, но тој е човек, кој како никој пред него јавно зборувал за настаните од 27 април, истакна денеска адвокатот на обвинетиот Звонко Давидовиќ.

-Обвинителството му понуди заштита, бидејќи исказот опфати моќни личности, но како и секогаш не се одржа до зборот. Тие што денеска не се во судница се испазарија со обвинителството, бидејќи го кажаа она што само ЈО сакаше да го слушне, рече Давидовиќ.

Според бранителот Давидовиќ, обвинителството само со доказот дека Нинџа зборувал телефонски со брат му, кој во тој период му бил обезбедување на поранешниот премиер Никола Груевски и дека го има на снимки пред Дион, сакаат да го обвинат за тероризам. Адвокатот смета дека обвинението на ЈО е само претпоставки и дека за правдата потребни се докази. Додава дека сомнително е тоа што обвинителството селективно ги покажува доказите.

Во завршните зборови, адвокатот Давидовиќ рече дека обвинетите, па и неговиот клиент, се жртви на УБК кои го смислиле целиот настан. Тој вели дека можно е Управата да ги формирала и патриотските здруженија со цел да ги употреби за настаните во Собранието.

-УБК ги злоупотребил овие луѓе како заморчиња, а Нинџа имал задача да известува за случувањата. Барајте одговорност кај Владимир Атанасовски, Никола Бошковски…,истакна Давидовиќ.

Во Кривичен попладнево продолжува рочиштето со завршните зборови на обвинетите.

МИА

ПОВРЗАНИ ВЕСТИ

Судење за „27 април“: Трајковски во Собрание не влегол да изврши тероризам, туку од радозналост

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Иванов му даде подршка на Јани Бојаџи

Редакција

„Траекторија“ продолжува на 18 септември со дослушување „бомби“ на СЈО

Редакција

Јанкулоска се враќа во судница: Продолжува судењето за „Титаник“

Редакција