еМагазин
Image default
Македонија

Десет имиња ќе разгледуваат вечерва Заев и Ахмети како можен консензуален кандидат за претседател

Десет имиња ќе се разгледуваат како можен консензуален кандидат на владејачката коалиција за престојните претседателски избори и можно уште денеска да се знае името на кандидатот, порача денеска премиерот Зоран Заев.

СДСМ, коалициските партнери и другите партии кои даваат поддршка за заеднички претедателски кандидат, вечер во 20 часот во хотел „Хилтон“ ќе одржат средба на која треба да биде утврдена личноста што ќе влезе во трката за нов шеф на државата на претстојните шести по ред претседателски избори.

Заев одговарајќи на новинарско прашање дали Стево Пендаровски е фаворит за консензуален кандидат, рече дека тој е еден од кандидатите, кои ќе бидат ставени на разгледување.

-Во контакт сме со сите политички партии, кои ја изразија својата подготвеност да застанат  за заеднички кандидат.  Десет имиња се за разгледување, секако имаме и свои фаворити заради тоа што граѓаните ни испратија јасна порака за тоа каков претседател посакуваат да има нашата земја.

Ќе ги земеме предвид сите аналитички аспекти во смисла идниот претседател на Република Северна Македонија да биде претседател на сите граѓани, кои ќе го чуствуваат за свој, а истовремено  веруваме ќе биде и доволно мотивирачки фактор за да добиеме голема излезеност, истакна Заев по денешната посета на „Алкалоид“.

По одлуката на лидерите од владејачката коалиција СДСМ и ДУИ, Зоран Заев и Али Ахмети, за заеднички кандидат, дел од медиумите објавија дека веќе е познато и името, а дел, пак, тврдеа дека се уште се во игра имињата на Радмила Шекеринска, Никола Димитров, Стево Пендаровски и Оливер Спасовски од СДСМ.

На огласот на СДСМ, пак, се пријави амбасадорот Ѓорѓи Филипов.

Владејачката СДСМ в недела треба да одржи конгрес на кој ќе биде промовиран кандидатот за нов шеф на државата.

МИА/Фото: Влада

ПОВРЗАНИ ВЕСТИ

Работел за двајца претседатели: Кој е Стево Пендаровски, еден од можните кандидати за претседател на државата

Кој е Оливер Спасовски, еден од најсериозните кандидати за претседател на државата

Пендаровски, Димитров или Спасовски: Кој ќе биде заеднички кандидат на СДСМ и ДУИ за претседател

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Мицкоски: Прво техничка Влада, технички премиер, па избори

Никола Осило

Заев во Дојран се договорил со Ципрас за признавањето на македонскиот јазик

Редакција

Питер Ванхауте: Не губете време и пари на нови избори, решавајте ги проблемите

Редакција