Државниот завод за статистика ги објави најновите податоци за бруто-домашниот производ – трошочен метод во кој се прикажани трошоците за финална потрошувачка на домаќинствата според класификацијата на индивидуалната потрошувачка по намена.
Податоците откриваат зголемување на средствата што македонските граѓани ги одвојуваат од семејните буџети за проституција. Имено ако во 2003 трошоците за протитуција изнесувале 1,6 милијарди денари или 0,8 отсто од БДП според трошочниот метод, во 2015 година оваа сума пораснала на 4,1 милијарда денари или 68 милиони евра, што е 1,1 отсто од БДП според трошочниот метод.
Ваквите бројки не треба да бидат изненадување ако се земе предвид дека Министерството за внатрешни работи постојано има акции во борделите претежно низ западна Македонија, а доволно е човек да помине во вечерните часови кај Македонската радио телевизија за да забележи раздвижување и присуствo на сексуални работнички и нивни клиенти.
Година Трошоци за проституција/денари
2003 1.643.000.000
2004 1.347.000.000
2005 1.942.000.000
2006 2.109.000.000
2007 2.274.000.000
2008 2.182.000.000
2009 3.446.000.000
2010 2.325.000.000
2011 2.587.000.000
2012 2.680.000.000
2013 2.914.000.000
2014 3.289.000.000
2015 4.192.000.000
Фото: Blishak law