еМагазин
Image default
Локално ТОП СТОРИИ

Детали за несреќата во Чаир: И таткото на загинатите браќа бил на местото каде се вршел ископот

Дежурен јавен обвинител од Основното јавно обвинителство Скопје (ОЈО) заедно со увидни екипи на Министерството за внатрешни работи извршија увид на местото во општина Чаир каде денеска две лица починаа при вршење ископ.

-Несреќата се случила откако бил направен ископ на потегот од станбена зграда до улицата „Ресенска“ со цел поставување на одводна канализација. Четири лица, татко, двајца синови и близок роднина, копајќи во близина на паркинг, ги поместиле плочките бекатон и ископале дупка за поставување на цевките.

Во моментот кога во ископот се симнале три лица, се срушил дел од земјата која била околу ископот, при тоа затрупувајќи целосно две лица.

Од настанатите повреди браќата, на возраст од 26 и 28 години починале на лице место.

Третото лице, нивен роднина кој бил со нив во ровот бил делумно затрупан и се здобил со телесни повреди, информираат од Основното јавно обвинителство Скопје.

Во насока на расчистување на настанот и утврдување на причинско последичните поврзаност  за  несреќата и смртта на двајцата браќа, додаваат, јавниот обвинител издаде наредба за прибирање на податоци во врска со постоењето на градежна дозвола за вршење ископ, во однос на инвеститорот, како и изведувачот на работите. Издадена е и наредба за вршење на обдукција на телата на починатите.

На местото на настанот беа повикани и службени лица од Државниот инспекторат за труд.

Дејствијата кои се преземаат од Основното јавно обвинителство Скопје ќе продолжат во континуитет се до целосно расчистување на кривично правниот настан.

ПОВРЗАНИ ВЕСТИ

Општина Чаир: Нема дозвола за ископ на земјиште на местото каде што загинаа двајца работници

Лизгање на земјиште предизвика несреќа: Двајца браќа загинаа во Чаир

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) Црвенковски, Ахмети, Иванов и Мицкоски не беа на подигнувањето на знамето на НАТО пред Влада

Редакција

Србин се повредил по пад од седум метри во Кочани

Никола Осило

Работел за двајца претседатели: Кој е Стево Пендаровски, еден од можните кандидати за претседател на државата

Редакција