еМагазин
Image default
Локално

Дежурни пунктови за деца во поликлиниките Бит Пазар, Јане Сандански и во Ѓорче Петров

Од денеска почнуваат да функционираат три дежурни пунктови во Здравствениот дом Скопје и тоа во поликлиниките Бит Пазар, Јане Сандански и во Ѓорче Петров, каде граѓаните најпрво ќе може да побараат здравствена помош за своите деца наместо да одат во Клиниката за детски болести или во Детската болница Козле.

Пунктовите ќе функционираат од понеделник до сабота од 19:30 до 07:30 часот, а лабораториите ќе работат секој ден до 23:30 часот. Во недела пунктовите ќе работат 24 часа, а лабораторииите ќе работат од 8 до 23:30 часот.

Во пунктовите ќе работат искусни лекари дополнително тренирани во сферата на педијатријата кои ќе можат во многу краток период заради близината во однос на местото на живеење да им дадат помош на децата на кои им е потребна. Лекарите ќе бидат и во постојана комуникација со дежурните на Клиниката за детски болести и Детската болница Козле и по потреба потешките случаи и оние на кои им е потребна болничка нега ќе бидат препраќани во овие две јавни здравствени установи.

МИА/Фото: Министерство за здравство

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Се уште активен пожарот на Скопска Црна Гора

Никола Осило

Со закани му зеле ташна пред угостителски објект на „Партизанска“

Никола Осило

Тетовчанец нападнал полицајци на бензиска пумпа

Никола Осило