еМагазин
Image default
Бизнис

Дизелот поскапува за половина денар, бензините со иста цена

Цената на дизелот и Екстра лесното масло за домаќинство од полноќ се зголемува за половина денар, а бензините остануваат со иста цена, одлучи денеска Регулаторната комисија за енергетика.

Според ова, дизелот ќе се продава по цена од 61,5 денари за литар, а Екстра лесното масло за домаќинство по цена од 50,5 денари за литар.

Еуросупер БС-95 и оваа недела ќе се продава по цена од 68,5 денари за литар, а Еуросупер БС-98 за 70,5 денари за литар.

Малопродажната цена на мазутот М-1 НС се зголемува за 0,229 ден/кг во однос на претходно утврдената цена така што веќе од утре неговата нова цена ќе биде 33,186 ден/кг.

Од Регулаторната комисија за енергетика информираат дека во изминатиот седумдневен период референтните цени на светскиот пазар бележат намалување кај бензинот во просек за околу 0,70 проценти, додека кај дизелот има зголемување во просек за околу 1,23 проценти и кај Екстра лесното масло за околу 0,76 проценти.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Ассеко СЕЕ“ го доби тендерот на Катастарот за одржување на податочен центар вреден 172.000 евра

Никола Осило

ЈП за државни патишта вработува пет лица, плата од 36.140 денари

Никола Осило

ДС Смитх со загуба

Редакција