еМагазин
Image default
ТОП СТОРИИ ЧИСТА ОКОЛИНА

До 2050 во морињата ќе има повеќе пластика отколку риби

Според податоци на Обединетите Нации 30 проценти од рибите веќе се отруени со пластика, а до 2050 година во морињата ќе има повеќе пластика отколку риби.

Според проценки на американскиот Завод за заштита на животната средина, светската потрошувачка на пластични кеси го достигнала годишното ниво до 1.000 милијарди парчиња.

Од тоа, поради високите трошоци се рециклира само помалку од еден процент – поскапо е да се рециклира пластична кеса отколку да се направи нова.

Природата го плаќа највисокиот данок, затоа што преостанатите 99 отсто ги загадуваат морињата, реките и езерата, ветерот ги разнесува по копното, канализацијата ги носи во водите.

Пластичните кеси се произведуваат од полиетилен, нафтен дериват кој се разградува илјада години, а неговите отровни хемикалии влегуваат во земјата, езерата, реките и морињата.

Десетина илјади китови, птици и желки секоја година умираат поради пластичните кеси во морето.

Многу земји ширум светот сериозно ја сфатија опасноста од пластичните кеси, поради што голем број ги забрани или воведе даноци за нивна употреба.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Што пишува во биографијата на новиот заменик министер за образование Петар Атанасов?

Никола Осило

Студенти го учат бизнисот во македонските компании кои се дел од групацијата „Балфин“

Редакција

„Инбох“ го доби тендерот на ПИОМ за дигитализација на микрофилмска документација вреден 297.000 евра

Никола Осило