Во фијаско се претвори конкурсот за претседателски кандидат на СДСМ на кој се пријави единствено амбасадорот Ѓорги Филипов. Иако општинските организации се уште може да предлагаат имиња, демократските процеси при изборот на претседателски кандидат се веќе во втор план бидејќи во партијата се сигурни дека без поддршка на албанските партии во земјава тешко ќе дојдат до победа на изборите за претседател.
Тоа станува очигледно по остварените и закажаните средби на премиерот Зоран Заев со лидерите на ДУИ, Алтернатива, Беса и останатите албански партии.
Останува прашањето дали тие ќе се сложат на изборите да се истрча со кандидат Македонец или пак ќе инсистираат за противкандидат на Гордана Силјановска – Давкова да има жена.
Во јавноста веќе се шпекулира со имињата на Теута Арифи, Абдулменаф Беџети, а претходно и со Никола Димитров и Стево Пендаровски.
И додека власта мери и премерува односно бара кој ќе биде соодветен кандидат на изборите, Силјановска полека ги освојува симпатиите на граѓаните, а посебно кај македонскиот народ, бидејќи најавува дека строго ќе се држи до законите и нема да подлегнува на притисоците од извршната власт.
Неизбежен е впечатокот дека СДСМ и ДУИ се уплашени од изборите, а има и зошто со оглед на тоа што за многу кратко време беа повлечени десетина потези со кои ја загубија довербата на гласачите, кои се разочарани и едвај чекаат шанса да ја казнат власта на избори.
ПОВРЗАНИ ВЕСТИ
(Фото) Силјановска објави заедничка фотографија со Киро Глигоров
Силјановска: Од мене, ниту било ниту ќе биде фикус, јас му припаѓам на родот на кактуси
Ќе ја добиеме ли првата жена претседател: Која е Гордана Силјановска – Давкова
Фото: Влада