Доктор Беќаровски: „Ковид-сертификатите се комплетно смешни во ерата на омикрон сојот, тргнете ги покажете оригиналност“

Ковид сертификатите се комплетно смешни во ерата на омикрон сојот од Sars-Cov-2 и ајде да бидеме први кои времено ќе ги суспендираме, барем на територијата на Македонија, повика доктор Нико Беќаровски.

„Ако сите се сложуваме дека ниту вакцината, ниту претходното прележување не заштитува од можноста да се заразиме и да го пренесеме омикронот, тогаш која е целта на ковид-сертификатот во дадениов момент?

Некој ќе каже, вакцинираните и прележаните многу полесно ја поминуваат болеста и потешко се заразуваат.

Да, 100% точно и затоа е паметно да сте вакцинирани, ама тоа е личен ризик на непрележаните и невакцинираните, а не ризик по колективното здравје, поради кои и се воведоа овие сертификати.

Место тражење на сертификат на влезовите, денес многу поцелисходно е термокамера т е. мерење на телесната температура.

Почитувани колеги од Комисијата за заразни болести, ќе Ве замолам размислете и ставете ја на дневен ред оваа идеја. Покажете малку оригиналност,“ пишува Беќаровски на неговиот Фејсбук-профил.

ПОВРЗАНИ ВЕСТИ

Проф. Трајковски: „Вакциналните сертификати во кафеана не се никаква гаранција- вакцините не штитат од заразување со омикрон сојот кој е 100% доминантен“

Доктор Пановски: „Тргнете ги сертификатите, одложете ја школската година за две недели, нека биде со физичко присуство и без маски“

Фото: Фејсбук/Беќаровски