еМагазин
Image default
Балкан

„Драма“ во Независни Грци за пратеникот Папахристопулос, кој треба да го отстапи пратеничкото место

Едногласно побаравме од Папахристопулос до почетокот на расправата за интеграција на Скопје во НАТО, на пленарната седница да им го отстапи пратеничкото место на Независни Грци, како што самиот вети, рече претседателот на Независни Грци, Панос Каменос, по денешниот состанок на парламентарната група на партијата, јави дописничката на МИА од Атина.

Танасис Папахристопулос, кој гласаше за Договорот од Преспа и ќе гласа за ратификацијата на Протоколот за членство во НАТО, одбил до утре наутро да го отстапи пратеничкото место, а Каменос истакна доколку навистина не го стори тоа, тогаш лично тој ќе го избрише од пратеничката група на Независни Грци.

-Папахристопулос одби да го стори тоа, велејќи дека на господинот Вуцис му ветил дека ќе гласа за влез на Скопје во НАТО. Му разјаснивме дека ние веќе не можеме да толерираме дополнително продолжување на овој случај. При првото гласање го прифативме, во смисла дека рече дека ќе го отстапи пратеничкото место, оттука, не постои веројатност, Независни Грци, каква и да е цената за ова, да дозволиме член на нашата парламентарна група да ја егзекутира Македонија, истакна Каменос.

Како што минатата седмица објави МИА, Танасис Папахристопулос од Независни Грци, бил подготвен да си поднесе оставка, но рече дека на средбата со Никос Вуцис, претседателот на Парламентот го замолил оставката да ја одложи за неколку денови, односно откако ќе се гласа за протоколот за НАТО.

МИА/Фото: грчка Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Грчките бизнисмени во трка да ги заштитат имињата и брендовите со „Македонија”

Редакција

(ВИДЕО) Павлопулос во концертната сала во Солун влезе од заден влез: Инциденти на протестот против Договорот од Преспа

Редакција

Твитот на Рама дека убиениот Грк е „луд“ дополнително ја вжешти атмосферата во Грција

Редакција