еМагазин
Image default
Бизнис

Драстичен пад на приходите на 30. најголеми државни претпријатија

За дури 35 отсто се намалиле вкупните приходи на најголемите 30 претпријатија основани од државата и од локалната самоуправа во период од 2015 до 2018 година, покажува Финансиската анализа на работењето на државните претпријатија, објавена од Центарот за граѓански комуникации.

Според анализата, просечната стапка на профитабилност за овие четири години изнесува скромни 5,9 отсто.

Целта на анализата е да ја оцени успешноста во работењето на овие претпријатија кои, како што е наведено во анализата, оствариле вкупно 737 милиони евра приходи минатата година и имаат 22.864 вработени.

Наплатата на побарувањата на анализираните компании, според истражувањето, претставува слаба алка на работењето и изнесува 265 дена за четири години, односно 243 дена за минатата година.

„Обврските претпријатијата ги плаќаат во уште подолги рокови, за 514 дена просечно, односно 497 дена за минатата година. Вообичаено во бизнисот компаниите што плаќаат со вака долги рокови се избегнуваат или заради роковите на плаќање им се даваат значително повисоки цени од пазарните“, е наведено во анализата.

Кредитната способност, според анализата, покажува дека вкупните долгови на анализираните претпријатија се малку повисоки од нивниот капитал и резерви, додека степенот на самофинансирање е во зоната на безбедност (87 отсто, односно 96 отсто за 2018 година).

„Анализираните претпријатија успеваат да работат позитивно, покривајќи ги вкупните расходи во целост и остварувајќи вишок на приходи од четири отсто (за 2018 година шест отсто), и поседуваат доволно парични средства за покривање на краткорочните обврски“, посочено е во финансиската анализа.

Оваа анализа е направена врз основа на пет групи на финансиски индикатори изведени од годишните сметки на претпријатијата за периодот 2015-2018 година и го расветлува работењето на сите 30 претпријатија заедно и за секое од нив одделно.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Народната банка со мерки за заштита од корона вирусот: Граѓаните да плаќаат со картички и електронски

Редакција

MEMO стана член на европската асоцијацијата на европски берзи на електрична енергија

Редакција

Скопски Бетон со нето добивка од 14,7 милиони денари

Редакција