Европскиот суд за човекови права во Стразбур донесе две пресуди против нашата држава за случаи во кои се игнорирало барањето на две христијански верски здруженија да се регистрираат на национално ниво.
Во првиот случај станува збор за Ставропигијалниот манастир Св. Јован Златоуст, кои поднеле апликација во судот уште во 28 септември 2009. O.M., M.И. and Б.Т.,три поранешни калуѓерки во Македонската Православна Црква (МПЦ), го основале здржението на 29 октомври 2008.
Пред судот се жалеле дека на верското здружение не му бил признат статусот на правно лице на национално ниво.
Судот пресудил дека државата треба да му ги исплати на здружението 3.000 евра за надомест на нематеријалната штета, плус сите давачки кои може да бидат наплатени и 1.000 евра за трошоците, плус сите давачки кои можат да бидат наплатени на здружението апликант.
Во вториот случај станува збор за Црквата на Вистинските Православни Христијани, верско здружение на кое не му бил признат статусот на правно лице на национално ниво. Тие поднеле апликација до Европскиот суд за човекови права на 7 јуни 2011.
Судот пресудил дека одговорната држава треба да му ги исплати на здружението 3.000 евра зголемен за било какви давачки кои можат да бидат наплатени, во однос на нематеријалната штета.