Општина Аеродром соопшти дека по вонредниот инспекциски надзор во основното училиште „Ѓорѓија Пулевски“, Државниот просветен инспекторат во својот записник констатирал дека „учесниците во настанот што се случил во петокот во училиштето во ниту еден момент немале намера некого да повредат“.
На директорот и на стручната служба им било укажано да продолжат со организирање едукативни предавања и работилници за безбедно однесување на учениците. На раководството, исто така, му е укажано да преземе мерки за утврдување работни должности на наставниот кадар во однос на дежурства и активности што се реализираат на одделенски час.
– Веднаш по настанот, од страна на раководството на училиштето се преземени сите мерки и активности за расчистување на случајот, согласно со закон. Понатаму, изречени се педагошки мерки за несоодветно однесување на учениците, одржани се одделенски совет и вондредна родителска средба. Исто така, психологот на училиштето ќе организира советување за учениците и родителите, информира општина Аеродром.
Општината наведува и дека за да се зголеми безбедноста на учениците ќе ја следи реализацијата на сите укажувања на Државниот просветен инспекторат во ООУ „Ѓорѓија Пулевски“.
ПОВРЗАНИ ВЕСТИ
(Видео) Како изгледа играта фрлање на деца низ прозорец од школо, поради која беше повредено девојче
Родителите на децата кои фрлија девојче од прозорец на школо во Аеродром, повикани во полиција
Четворица малолетни ученици фрлиле нивна соученичка низ прозор од школо во Аеродром