Трендот на зголемување на државниот долг што започна во 2009 година продолжува, укажуваат од Државниот завод за статистика во најновата публикација „Одржлив развој“.
На крајот од 2017 година тој изнесуваше 3 958.5 милиони евра, што претставува 39.3 % од вкупниот БДП.
Вкупниот јавен долг на Македонија на крајот на вториот квартал од 2018 година изнесува 48,8% од БДП, што претставува зголемување за 0,6 п.п. во однос на претходниот квартал.
„Промената во најголем дел произлегува од зголемувањето кај надворешниот долг (од 33,0% на 33,4% од БДП), при раст и на внатрешниот долг (од 15,2% на 15,4% од БДП). Вкупниот државен долг и долгот на јавните претпријатија (за кој државата има издадено државна гаранција) во вториот квартал се зголемија за 0,3 п.п. и 0,2 п.п. од БДП, соодветно“, соопшти НБРМ.
Според фискалната стреатегија на РМ (2017-2019), управувањето со јавниот долг (во кој е вклучен државниот долг) се смета за одржливо ако на долг и среден рок не надминува 60 % од БДП.