еМагазин
Image default
Македонија

ДУИ ќе ги тужат сите политичари, политички партии и медиуми, ако за 24 часа не се извинат за „лажните вести“ за ПИОМ

Вицепремиерот Бујар Османи денеска најави дека за сите политичари, политички партии и медиуми кои вчера ја инволвираа ДУИ во, како што рече „лажна вест“ за злопутреба на парите на осигурениците во вториот пензиски фонд, доколку не се извинат во наредните 24 часа, партијата ќе покрене правна постапка за да ја докаже вистината.

–  Апсолутно не станува збор за никаква злоупотреба на ниту еден денар. Затоа беше побарано од министерката Царовска и од Фондот денеска да излезат и да им дообјаснат на граѓаните. Тоа е апсолутно „фејк њуз“. Поради штетата што е направена на ДУИ најавувам дека за сите политичари, политички партии и медиуми кои вчера ја инволвираа ДУИ во оваа лажна вест, дека ако не се извинат во наредните 24 часа ќе мора да покренеме правна постапка за да ја докажеме вистината, рече Османи на денешната прес-конференција во Владата.

Тој додаде дека вчера министерката Мила Царовска имаше несреќна изјава, која отвори можност за спектакуларни шпекулации во однос на тоа што се случило во Фондот на ПИОМ за наводна можна злоупотреба.

-Откако вчера верификувавме и со Министерството за труд и социјална политика и со Фондот дека не станува збор за злоупотреба на ниту еден денар од средствата на пензионерите и од Фондот, туку дека поради административни пречки и дел поради недовеолен буџет заради тогашната одлука на владата да се намалат придонесите, средствата не биле префрлени во Вториот пензиски столб, истакна Османи.

Вицепремиерката Радмила Шекеринска, пак, за овој случај вели дека злоупотреба е направена, но тоа, како што додаде, не значи дека парите завршиле во приватни џебови на функционери.

-Таа злоупотреба мора да се истражи, бидејќи тоа беше модел на тогашната влада, практично да зема пари од луѓето кои дел од средствата ги вложуват во вториот пензиски фонд, меѓутоа заради дупките што ги создаваат во државниот пензиски фонд, практично ги прикриваа и ги пополнуваа со пари што требаше да одат во приватните фондови, рече Шекеринска.

Таа додаде дека оваа Влада треба да враќа стари долгови и да пополнува стари дупки.

-Она што го кажа вчера министерката Царовска е клучната порака – дека ниту еден граѓанин во Македонија кој финансирал во вториот пензиски столб не треба да се грижи оти некој ги искористил парите за друго нешто, туку дека тие пари оваа Влада и овој ПИОМ ќе ги уплати на приватните фондови за граѓаните да не ја плаќаат цената. Тоа е потврда на владините политики дека парите треба да одат кај граѓаните, рече Шекеринска.

МИА

ПОВРЗАНИ ВЕСТИ

Кој е „непознатиот сторител“ за пензискиот скандал во ПИОМ?

Сите детали: Фондот на ПИОМ го „објасни“ скандалот со пензиите

Скандал со пензиите: МАПАС ќе ги информира пензионерите кои се оштетени со нераспределба на парите

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Игор Дурловски нема да бара амнестија

Редакција

Јохан Тарчуловски: Ако гласам за уставните измени, нека бидам убиен

Редакција

Министерство за правда: Амандманите на ВМРО-ДПМНЕ пристигнаа по ТВ-дуелот

Редакција