Во Скопје вчера според податоците на Министерството за здравство беа регистрирани 26 нови случаи на заразени со Ковид-19, а бројот на новозаразени растеше и претходните денови.
Седум од новите случаи во скопската Општина Аеродром се од едно семејство, а пред извесно време беше формиран уште еден нов фамилјарен кластер во скопската Општина Чаир, во кој од вирусот се заразени дваесетмина лица, за кој министерот за здравство, Венко Филипче посочи дека е ставен под контрола.
Од Министерството за здравство за еМагазин велат дека 9 лица од новозаразените се регистрирани во Аеродром, 6 во Чаир, четворица во Сарај, во Бутел и Центар по 2 лица, а по 1 лице во Гази Баба, Кисела Вода и Петровец.
Во Скопје според последните податоци, објавени вчера, се регистрирани вкупно 673 случаи, а активни се 169.
Во Скопје има најмногу починати поради компликации од вирусот. Бројот на починати според податоци на Институтот за јавно здравје изнесува 24.
ПОВРЗАНИ ВЕСТИ
Прилепчанецот што почина од корона вирусот имал контакт со потврден случај