Нова Љубљанска банка (НЛБ) и Словенскиот државен холдинг (СДХ) како претставник на нејзиниот сопственик, денеска преку Љубљанската и Лондонската берза објавија намера за продажба на мнозинскиот пакет акции на најголемата словенечка банка до крајот на оваа година, по пат на иницијална јавна понуда на акции.
Намерата за прва јавна понуда на акциите на НЛБ се однесува на најмалку 50 отсто плус една акција на банката, а најмногу на 75 отсто минус една акција, стои во информацијата на Љубљанска берза и во соопштенијата на Банката и СДХ.
Во НЛБ очекуваат проспектот за спроведување на иницијалната јавна понуда да биде објавен на 26 октомври на веб страната на Љубљанска берза, што би значело и официјален почеток на продажната постапка.
На малите индивидуални акционери на откуп ќе им се понуди 10% од НЛБ, додека за остатокот се очекува учество на институционални инвеститори.