еМагазин
Image default
Бизнис

Ќе се гради нов систем за дистрибуција на природен гас по пат на јавно-приватно партнерство

Владата донесе одлука за изградба на нов систем за дистрибуција на природен гас во земјава по пат на јавно-приватно партнерство.

Како што информираат од владината прес-служба, Владата вчера ја разгледа и ја усвои информацијата за изготвување на предлог модел за развој на системи за дистрибуција на природен гас во Република Македонија, со предлог одлука.

Истовремено донесе одлука за започнување на постапката за доделување на договор за воспоставување на јавно-приватно партнерство за изградба на нов систем за дистрибуција на природен гас на територијата на Република Македонија.

Владата, ги задолжи министерствата за животна средина и просторно планирање и за транспорт и врски, кабинетите на премиерот и на вицепремиерот за економски прашања, Регулаторната комисија за енергетика и АД МЕР Скопје, во рок од три дена до Министерството за економија да достават номинации за член и заменик член во Комисијата за спроведување на постапката за доделување на договор за воспоставување на јавно-приватно партнерство за изградба на нов систем за дистрибуција на природен гас на територијата на Република Македонија.

Министерството за економија, пак, е задолжено до Владата да достави предлог решение за формирање Комисија за спроведување на оваа постапка.

Паралелно на ова, велат од владината прес-служба, продолжува започната активност преку Европската банка за обнова и развој за изградба на гасоводната мрежа.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Оилко“ откупи сопствени акции

Никола Осило

Банките тријат раце: Раст на потрошувачките, станбените, автомобилските и картичните кредити

Никола Осило

Кои се членовите на Одборот на директори на „Хотели Метропол“?

Никола Осило