еМагазин
Image default
БАШ НИ Е ЌЕФ

Еден круг низ градот: Пријави се на Скопје на точак

Скопје знае за велосипеди. Некои велат дека во 1960-те години секој втор граѓанин имал велосипед. За да се врати тоа, време е во недела, 11.11.2018, во 11.00 часот, да се направи еден круг низ градот на точак.

Во организација на Сојуз на спортови на Скопје и под покровителство на Град Скопје ќе се одржи велосипедски караван кој нема натпреварувачки карактер.

Секој е поканет да се пријави на www.sportskopje.mk/skopjenatocak. Учеството е бесплатно и ќе се вози со диктирана брзина од 20 километри на час. За да се вози на велосипед на овој настан секој мора да е пријавен и да го подигне своето стартно бројче.

Агендата е следна:

11:00 – 12:00 поделба на стартни броеви – лепенки за велосипед (пред фонтана Лотос на бул. Илинден)

12:00 Старт на караванот

12:30 Крај на караванот

12:35 – 13:00 Лотарија

13:00 – 13:30 Велосипедски дружења

Стартот на Скопје на точак е од Булевар Илинден кај фонтаната Лотос со правец на движење кон Сити мол. Се врти лево по улица Љубљанска и се вози по ул. Московска до Студентскиот дом Гоце Делчев. Кај домот се врти лево по улица М. Т. Гологанов и се вози право до Католичка црква.

Од таму се продолжува по М. Т. Гологанов, па по улица Димитрие Чуповски, потоа право по бул. 11 Октомври до семафорите кај Црвен Крст каде се врти лево по бул. Кочо Рацини.

Таму се вози преку мостот по бул. Крсте Петков Мисирков. На семафорите кај Мавровка се врти лево и се вози по бул. Гоце Делчев, преку мостот Гоце Делчев, се приклучува на бул. Илинден и се доаѓа на стартот, кај Фонтаната Лотос во Градски парк.

Во лотаријата има неколку награди, како велосипеди и велосипедска опрема, ракавици, заштитни шлемови. Повеќе информации има на: www.sportskopje.mk/skopjenatocak.

Пријавувањето е отворено и завршува во сабота, 10 ноември 2018 година, во 23.59 часот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Македонскиот BtoBet со две нови општествено одговорни акции

Редакција

Владата ќе го награди Дејан Георгиевски со 1,8 милиони денари за успехот на Олимписките игри

Редакција

Ресторанот „Four“ преку хуманитарна акција обезбеди прибор за деца

Редакција