„Авалон“ продукција го најави првиот голем концерт за 2020 година, на најпопуларниот и најпродаван женски гудачки квартет на сите времиња, BOND, кои, за првпат доаѓаат во Скопје.
Тие ќе одржат гала концерт на 20. март во Македонската филхармонија.
„Квартетот BOND е супербренд со милионска армија на обожаватели низ целиот свет. Нивното музицирање е извонреден чин на пркосење со стиловите. Се сметаат за најпродаван гудачки квартет на сите времиња. Црпат инспирација од класичните, латинските, фолк, џез, рок, електро, индиските и стиловите од Средниот Исток.
Од првото деби, квартетот, нарекуван уште и „Spice girls на класичната музика“, има продадено неверојатни пет милиони албуми низ целиот свет, имаат 56 платински и 15 златни тиражи на своите изданија.
Од основањето на квартетот BOND па до денес, имаат огромен број на настапи низ Европа, Америка, Австралија, Централна Америка и Азија и секогаш распродадени концерти,“ велат од Авалон продукција.
Влезниците ќе бидат пуштени во продажба во петок (07-ми февруари) во 09 часот наутро и истите ќе може да ги набавите исклучиво во Avalon music & ticket store во ГТЦ, продажната мрежа на Авалон низ земјава и онлајн на avalon.mk по следниве цени и категории: Classic seats – 1.990 денари, Ultra VIP seats – 2.990 денари.
фото: Авалон продукција